Hvernig fer kosning fram utan kjörfundar?

Kjósandi þarf að gera kjörstjóra grein fyrir sér með því að framvísa kennivottorði eða nafnskírteini, eða á annan fullnægjandi hátt að mati kjörstjóra.  Kennivottorð er persónuskilríki með mynd, svo sem vegabréf, ökuskírteini, bankakort eða greiðslukort.

Að þessu loknu fær kjósandi afhent kjörgögn.

Skal kjósandi svo aðstoðarlaust og án þess að nokkur annar sjái rita atkvæði sitt á kjörseðilinn og setja atkvæðið í kjörseðilsumslagið.  Kjósandinn stimplar eða ritar á kjörseðilinn bókstaf þess lista sem hann vill kjósa og má hann geta þess hvernig hann vill hafa röð frambjóðenda á listanum.  Ef kjörseðill ónýtist hjá kjósanda má hann fá annan í stað hins.

Þá áritar og undirritar kjósandi fylgibréfið í viðurvist kjörstjóra sem vottar atkvæðagreiðsluna.

Að lokum skal kjörseðilsumslagið ásamt fylgibréfinu lagt í sendiumslagið og því lokað vandlega.  Umslagið skal síðan áritað til hreppstjórans, sýslumannsins eða kjörstjórnarinnar í því umdæmi þar sem kjósandinn telur sig standa á kjörskrá.  Á sendiumslagið skal rita nafn kjósanda, kennitölu og lögheimili.

Kjósanda er heimilt að greiða atkvæði utan kjörfundar oftar en einu sinni og skal þá aðeins hið síðastgreidda atkvæði tekið til greina.  Utankjörfundaratkvæði telst greitt þann dag sem fylgibréfið er dagsett.

Atkvæðagreiðsla utan kjörfundar fer fram á eftirfarandi stöðum:

Hjá sýslumönnum um allt land, á aðalskrifstofum eða í útibúum þeirra. Þá getur sýslumaður einnig ákveðið að atkvæðagreiðsla á aðsetri embættis fari fram á sérstökum stað utan aðalskrifstofu svo og að atkvæðagreiðsla fari fram á öðrum stað í umdæmi hans.

Vil endilega hvetja fólk til að nýta sér þann rétt sem atkvæðið felur í sér, veit að það verður mikið að gera hjá skólafólki á þessum tíma og efast um að þeir sem eru skráðir út á landi fari þangað á kjördag til að kjósa.
Svo koma svo, kjósum, það er ekki það mikið mál get ég sagt ykkur bara stemmari:)..

kv.
Dísin

Já erfið helgi að baki, landsfundarhelgar eru skemmtilegar en það þýðir ekki að þær séu auðveldar og hvað þá ef maður á vinnuhelgi á sama tíma. Er gjörsamlega alveg búin á því í dag, var ekki að meika það að mæta upp í skóla og læra.
Landsfundurinn heppnaðist samt mjög vel og var skemmtilegt hvað fólk var ekki hrætt við að takast á, þrátt fyrir það að kosningar séu ekki nema eftir 25 daga eða svo. Nóg að gera hjá mér við að kynnast öllu þessu frábæra fólki sem er í flokknum og það er nú mikil vinna  get ég sagt ykkur, enda bara skemmtilegt fólk í Sjálfstæðisflokknum:).
Ungliðarnir tóku það bara flott, settum formlega á stofn Samband ungra Sjálfstæðismanna í Norðaustur kjördæmi sem verður svona yfir hattur yfir þau minni félög sem eru á svæðinu. Hef ég trú á því að þetta eigi að gera góða hluti fyrir starf ungliða og til að nág unga fólkinu inn.
    Svona lítur listinn út, finnið þig mig?.. :).. Fínn listi finnst ykkur ekki, líkt og þig sjáið þá er ekki lítið af fallegum konum á listanum hjá okkur og er ekki annað hægt en að vera ánægur með hann. Mikið er af góðu fólki í flokknum og er ekki verið að velta því fyrir sér hvort að um sé að ræða konu eða karl. En talandi um konur og Landsfund, þá fór fram kosning í miðstjórn í gær, kosnir eru 11 einstaklingar til að starfa þar inni. Skemmst frá því að segja að feministar geta ekki verið með áróður gegn okkur vegna þess hve illa við förum með konurnar í flokknum því alls komust 8 konur inn og einungis 3 karlar og þar af var Kjartan Gunnarsson og Vilhjálmur V. tveir af þeim.

Meira sem ég vildi koma fram, miða við tölur frá hagstofunni hefur kaupmáttur aukist um 56% frá árinu 1994 til ársins 2005, geri aðrir betur.

kv.
Ásdís Jóna

En frelsi og sjálfstæði er sá aflvaki, sem Íslendingum hefur bezt dugað ef við sjálf dugum þeirri háleitu hugsjón, mun Ísland vel vegna, bæði í bráð og lengs.

Jæja, hvað gera sjómenn þá?

Til lukku með afmælið ESB.. 50 ár það er ekkert annað - það er nú bara nokkuð gott fyrir alþjóðalegt samstarf sem þetta. Rómarsáttmálinn sem undirritaður var árið 1957 sem er einn af grunn sáttmálum sambandsins markar það upphafð sem miðað er við þetta tækifæri. 

Jæja gott fólk ég held að það sé komið að því að allir hugsi sinn gang, hvað er að sem Samfylkingin stendur fyrir, fólk kemur fram í Kastljósinu og hrópar húrra fyrir því að hún tali fyrir því að launaleynd verði gerð opin - hvað er það sem við fáum út úr því, launin eru ekki að fara hækkandi með þessu móti.
Afhverju ættu yfirmenn að vera að hafa einhvern starfsmann á hærri launum - bara til þess að hafa alla aðra brjálaða yfir því. Með þessu get ég farið og kysst háa launaseðilinn minn sem mig dreymir um bless. Er það ekki líka brot á persónulegum réttindum mínum að eiga það út af fyrir mig hvað ég er með í laun.
ER EKKI BARA KOMIN TÍMI TIL ÞESS AÐ FÓLK FARI AÐ VINNA FYRIR ÞEIM LAUNUM SEM ÞAÐ ER MEÐ NÚNA!!!!.
Væri í alla staði hræðilegt ef þetta kæmist á.

Annar flokkur sem menn eru ekki að átta sig á eru Vinstri Grænir, vill fólk virkilega fá netlöggu, er það eitthvað sem þjóð á borð við Ísland á að stefna að? mig hryllir við þessa tilhugsun að þetta sé eitthvað sem fólk vill - aftur kem ég inn á persónuelagan rétt einstaklinga og hvað er þetta að fara að ganga langt - verður lesið yfir mailin mín og hvað þá annað, þarf fólk að fara að vara sig á því hvað það er að rita á bloggið sem það er með - á svona blogg eins og ég er að skrifa núna eftir að heyra sögunnu til ef V- grænir ná sínu fram?
Viljm við það að kynjajöfnuður á vinnustöðum sé festur í stjórnarskrá - sama með þetta og hin dæmin hér að ofan þá bara skil ég ekki hvað fólk er að fara með því að vilja kjósa þetta yfir sig. Ég vil ekki vera ráðin í vinnu vegna þess að hvaða kyni ég er, stend ég fyrir því að allir einstaklingar eigi að þurfa að vinna fyrir því að komast þangað sem þeir vilja fara, ég vil ekki fá forskot vegna þess að það VANTAR eina konu í hópinn til þess að það verði 50 -50.

Fleiri mál má vissulega telja upp en þetta eru þau mál sem mér finnst að fólk sé ekki búið að hugsa til enda.

Veit ekki hvort að fólk hafi verið að horfa á Kastljósið í gær, en þeir sem gerðu það hafa sé þegar það var verið að tala um ofsaakstur á móturhjóli, fékk ég nett í magann þegar ég horfti á þetta og ætlaði ekki trúa því þegar hjólið fór upp í 280km á klst. Sama er mér hver það er sem keyrir hjólið í þessu tilfelli en sá hinn sami þarf aðeins að fara ath. með sinn gang.
Finnst í raun að þessi akstur sem er búinn að vera einkennandi  núna í umferðinni undanfarna mánuðu sé alveg til skammar - og það að koma með afsakanir á borð við þær að það sé einungis verið að sýna lögreglunni og þar með ríkinu að þeir eru ekkert að fara að ná þessum tryllitækjum á þessum bílum sem hún er á. Þeir hinir sömu tala um það að ástæðan fyrir þessu sé að mótmæla háum sektum sem fást fyrir það að keyra of hratt - persónulega væri ég til í að sjá fólk sem er tekið á 240km/klst svift skýrteininu til frambúðar og fangelsað fyrir tilraun til manndráps að gáfuleysi.
Ég er alveg til í að þeim verði færð braut til að aka á og keyra eins og fávitar en á meðan sú braut er ekki til staðar réttlætir það ekki þetta aksturslag, afhverju fara þessir sömu menn ekki í samstarf við fyrirtæki og aðrar stofnanir ef til vill og reyna að koma þessari braut lengra á veg - það þarf ekki alltaf ríkið til að gera allt fyrir mann - kaupið land gerið eitthvað en á meðan þið eruð að keyra eftir vegum sem eru í almannaþágu og eru borgarðir af ríknu með skattpeningum landsmanna þá hefur þetta fólk engan rétt á því að keyra um eins og það gerir.
Annars er síðan hans Skúla hér ef fólk hefur misst af K-ljósinu í gær og getir þá gert það upp við sjálfan sig hvað því finnst um það að fólk sé að keyra á 280km/klst á vegum landsins.

http://monsarar.bloggar.is/

kv.
Dísa

Jæja gott fólk, ég er farin að hallast að því að það skipti bara engu máli hvort ég sé á landinu eða ekki, ég bara blogga ekki:)..

En já er komin heim úr þessari líka stórskemmtilegu ferð okkar til NYC og Washington DC og var þetta alveg æðislegt og fræðandi í þokkabót. Við skunduðum af stað á föstudegi, þar kom það strax í ljós að strákarnir voru að fara í veslunarleiðangur enda með töskur á borð við 50 fermetra íbúð, hefðum getað sparað okkur flugmiðan ef okkur hefði dottið það í hug.

En já flugum til New York, höfðum helgina bara út af fyrir okkur ekkert um heimsóknir eða neitt slíkt. Ferðin byrjaði nú ekki á slæman hátt - kom ekki þessi fína hvíta LIMMA og náði í okkur ekki læm byrjun það;)..

Helgin var samt ekkert slor og þar toppar allt eitt stykki þyrluferð sem við spreðuðum í og guð minn það var líka svona gaman, æðislegt veður og ég efast ég ekki um að ég hafi séð toppinn á Súlum á meðan ég var þarna uppi:)

Á mánudeginum byrjaði síðan lærdómurinn, UN var fyrsta mál á dagskrá, og er ekki hægt að segja annað en að hafi verið fræðandi á margan hátt. Hittum þar fyrir fastafulltrúa okkar Íslendinga Hjálmar Hannesson og fræddi hann okkur til að mynda um það mikla verkefni sem er núna í gangi - framboð Íslands til öryggisráðs Sameinuðuþjóðanna, sem fer fram árið 2008, vona að ég sé ekki að fara með rangt mál þar. Eftir fund okkar var síðan haldið í Un bygginguna sjálfa þar fengum við túr um húsið og skoðuðum salina sem málin fara fram - gaman frá því að segja að þetta hús er að hruni komið og hefur maður ekki heyrt skemmtilegar sögur um það hvað leynist í kjallara þess.

Þriðjudagur í New York - áttum eina heimsókn þar fórum í Landsbankann, já og ég verð bara að segja að það hafi verið mjög svo fræðandi enda hittum við á skemmtilegan strák sem talaði við okkur á mannamáli en ekki að reyna að gera sig stóran og mikinn. En síðan var haldið til Washington. Ferðin byrjaði nú ekki vel og allir þeir sem hafa reynt að keyra út frá JFK flugvelli ættu að vita hvað ég er að meina í þessu tilfelli. En við komumst til DC sem var nú fyrir öllu, enda keypti ég mér þessa fínu vega bók til að vera viss um hvert ætti að fara.

En já svo ég komi bara með helstu heimsóknir, en þó fórum við í heimsókn til Heritage Foundation sem gefur til að mynda út á hverju ári bók þar sem kemur fram hversu ,,frjálsar" þjóðir eru og ranka okkur ísl. í 14 sæti sem er ekki slæmt,(en þetta vill fólk ekki greinilega miða við nýjustu kannanir), þar ferngum við ennig að sitja fyrirlestur með miklum fræðimönnum til að mynda Dr. Kagan, þar sem rætt var um nýja álætlun Bna í Írak. Þaðan var síðan tekið á sprettinn og farið í

American Enterprice Institude þar sem við hittum fyrir David Frum, fólk kannast kannski ekki við nafnið en það ætti að kannast við ræðu forseta Bna þar sem hann talar um "hoaxes of evil" en það var einmitt þessi maður sem var þá einn af ræðuriturum forsetans sem kom með þetta. Eftir það var síðan haldið á guð vors land eða sem næst því þegar maður er svona á erlendri grundu - fórum í Ísl. sendiráðið þar sem tekið var á móti okkur og fengum við mikla fræðslu um hvað er að gerast þarn og þá var hvað mest spennandi að ræða um hina miklu ísl. útrás og hvað þá á matvælum.

Fimmtudagurinn var tekinn snemma, haldið var í Hvíta húsið upp úr 8. Merkilegt hús, en ekki er það stórt og voru margir að furða sig á því, en mér fannst það alveg nægilega stórt, þetta er nú bara samarstaður forsetans, afhverji þarf hann eitthvað meira. Merkilegast við húsið tel ég vera að innan um allar myndirnar af forsetunum var mannshæðar há mynd af H. Clinton, en við komumst þó að þeirri niðurstöðu að síðasta daginn sem hún sat sem First lady hafi hún boltað það í vegginn.

Eftir Hvíta húsið var það síðan önnur merkileg stofnun, Pentagonið, það er mögnuð stofnun get ég sagt ykkur, 23.000 manns sem vinna þar, sem sagt rosa batterí. Húsið sjálft var byggt á einungis 16 mánuðum sem má segja gott miða við stærðina á því. Frá Pentagoninu var síðan haldið í Institute for Humane Studies - George Mason University og hittum þar fyrir Nigel Ashford það var nú bara alveg stór merkileg heimsókn og var ég sátt með að hafa lagt það á mig að troða okkur 6 inn í taxa og vera hrædd um líf mitt í 20 mín. Við enduðum síðan daginn á því að fara út að borða og spjalla við sendiherra vor og gmalan kennara okkar allra Albert Jónsson, meður verður ekki leiður þegar maður hugsar til þess sem hann var að segja, allar þær sögur sem hann kann, alveg hreint snilld.

Föstudagurinn var síðasti heimsóknardagurinn, byrjuðum snemma á því að fara á fyrirlestur með háttsettum manni innan Bna hersins þar sem hann ræddi um stöðu Íraks í dag og það var nú ekki slæt að sitja þarna og láta sem maður væri einhver merkilegur á meðal þessa fólks sem var meira og minna með einhverjar medalíur út um allt. Þurftum að þjóta af þessum skemmtilega fyrirlestri þegar spuringarnar fóru að streyma að -kannski gott mál þar sem ég skildi ekki orð af því sem þar kom fram:), náðum að koma okkur til Thinktank stofnunar sem heitir CATO er svipuð í sniðum eins og Heritage Foundation en er aðeins meira liberal.

Síðasta heimsókn ferðarinnar var síðan ekki að verri endanum en þar hittum við fyrir James J. Townsend, Jr. hjá The Atlantic Council, og það var bara frábært í alla staði, þessi maður var einn af þeim sem fór fyrir samninganefndinni bandarísku þegar unnið var að samningu um veru varnarliðsins hér á landi, og vá hann gat sagt manni ýmislegt sem maður vissi ekki.

Þannig að alveg frábær ferð, frábært fólk sem maður var að ferðast með og allt því bara frábært.

Fleiri góðir hlutir gerðust þó á meðan ég var úti Atli varði verkefnið sitt og kláraði ritgerðina og er því orðinn meistari, og er hann bara að fara að koma heim núna um um helgina:)..

Er að reyna að henda inn myndum frá ferðinni og það kemur bráðum:)..

kv.

Dísin

hehe verð samt að deila þessari mynd með ykkur, er úr brúðkaupinu Dadda frænda og Birnu. Ljósmyndarinn var að gera mig geðveika og því fór ég aðeins að leika mér, en eins og þið sjáið þá er það að koma í bakið á mér þar sem hún hefur verið sett á netið!!!.. en já svona á sko að daðra við cameruna .. öss.. eins og ég hafi aldrei gert neitt annað;)

Saelar elskurnar engin politoik nuna.